BUTUAN CITY – Aksyunan na sa Butuan City Engineering Office ang perming gireklamo sa mga tawo kalabot sa drainage canal sa may Salvador Calo supermarket tungod matud pa sa nabu-ak nga cover hinungdan nga mibara na ang basura.

Sa eksklusibong pakighinabi sa Bombo Radyo Butuan, gibutyag ni Atty. Edwin John Pizarro, ang OIC sa Office of the City Economic Enterprise kon OCEE, nga duna na sila’y request niini ngadto sa City Engineering Office aron mapangitaan og pamaagi ang maong problema apan kulang pa kini sa  follow-up ilabina nga busy karun ang maong buhatan.

-- Advertising --

Sumala pa ni Pizarro,  ang laing problema usab karun mao ang paglabay sa mga outsiders og basura sa maong public market hinugdan nga mudaghan kini hinuon gipaningkamotan pa sa ilang buhatan nga masolusyonan ang maong problema aron hapsay na unya sa panan-aw ug panimhot sa tawong mudalikyat sa maong merkado.