BUTUAN CITY – Mga kasong paglapas sa Sections 5 ug 11 sa Republic Act 9165 ang atubangon ni Rey George Burdeos, 54-anyos, human kini nadakpan pasado alas-8:20 kagabii sa South Montilla Boulevard sakop sa Purok 4, Brgy. Diego Silang ning siyudad atol sa gilusad nga buy bust operation.

Kini gipangunahan sa mga sakop sa Philippine Drug Enforcement Agency kon PDEA-Caraga, Butuan CIty Police Station 1 ug Dinagat Island Police Provincial Office.

-- Advertising --
Photo: CTTO

Sa eksklusibong pakighinabi sa Bombo Radyo Butuan, gipadayag ni PDEA-Caraga spokesman Dindo Abellanosa nga nadakpan na niadtong Oktubre 16 ning mi-aging tuig ang suspek atol sa operasyong gilusad sa usa ka drug den sa Purok 2, Brgy. San Ignacio ning siyudad kondiin gikasuhan siya og paglapas sa Sections 7 ug 12 sa RA 9165.

Kagabii nakuha gikan kaniya ang usa ka sachet sa shabu balor 2-mil pesos ug laing medium sized nga susamang epektos uban sa 2 ka gamay’ng sachet nga gibana-banang mitimbang ang tanan og 6.39-gramos ug nagkantidad og kapin kon kulang P36,000.00.

Photo: CTTO

Narekober usab kaniya ang buy bust money ug duha ka cell phones nga gitu-uhang maoy gigamit sa pakig-transaksyon niini sa ilang mga undercover agents.

Patong-patong nga kaso ang iyang atubangon human nga nagpositibo kini sa paggamit og ginadiling druga.