BUTUAN CITY – Malampusong na-demolish sa demolition team ning siyudad sa Butuan ang usa ka ilegal nga gipabarog nga balay sa nagpa-ilang si Supremo Reynante Asaytuna sa tribung Lapaknon sa may Brgy. Obrero bisan pa man sa inisyal nga pagbabag sa iyang gibansagang mga bagani nga nagkuha-kuha pa og video footage sa demolition team.

Sa eksklusibong pakighinabi sa Bombo Radyo Butuan, gipadayag ni demolition team leader Moises Villa Gonzalo, ang ilang gihimo mao lang ang pagsunod sa Sangguiang Panlungsod kon SP ordinance nga nagmandong bungkagon ang padayong gipabarug nga istraktura.

-- Advertising --

Giklaro usab niini nga dili court order ang ilang gisunod kondili ang ordinansa lang nga gi-aksyunan sa city council base na sa reklamong gipa-abot usab sa pamilya Tolentino nga maoly nanag-iya sa yutang gitarukan sa maong panimalay.

Madumdumang niadtong Nobyembre 18 ning tuiga, gidakop sa mga pulis si Asaytuna tungod sa susamang ilegal nga kalihukanm human nga wala na niini baliki pa ang gi-angkong luna usab sa Brgy. Banza diin siya nagpuyo dihang mihimo og tagging ang city government.

Kini ang hinungdan nga temporaryo siya karong nagpuyo sa Sitio Tawilon, Brgy. Ambago ning siyudad.