BUTUAN CITY- Nanawagan ang buhatan sa Business Permits and Licensing Division kon BPLD ngadto sa mga trisikold driver dinhi sa dakbayan sa Butuan nga mosubay sa ilang gi-designate nga rota.

Una niini nakigtagbo ang BPLD sa mga lider ug mga pundok sa mga tricycle drivers sa nagkadaiyang ruta sa dakbayan sa Butuan aron ipasabot ang pagpatuman sa bag-ong ruta sa trisikol sunod bulan.

Sumala ni Atty. Moshi Ariel Cahoy, hepe sa BPLD Butuan City sa pakighinabi ning sibyahan, gihimo kini subay sa panawagan sa mga pundok sa mga tricycle drivers sa nagkadaiyang ruta sa syudad nga mapugngan ang mga trisikol nga namasahero sa dili nila nga ruta ug wala mi-avail sa tricycle conversion.

Alayon niini, mihangyo si Atty. Cahoy nga mo-kooperar sa gipatumang balaud aron mahapsay ug malikayan ang mga kolurom nga gapadagan sa kalsada.

Suportado usab ni Jun Ybaniez sa transport sector ang maong panawagan sa BPLD bisan aminado nga lisod ang maong kabag-ohan alang sa  mga trisikol drivers ug mga commuters. 

-- ADVERTISEMENT --