BUTUAN CITY- Gikondina ni Datu Rico Maca, Municipal Indigenous Peoples Mandatory Representative sa Surigao del Sur ang bag-o na usab nga gihimong pagpatay sa New Peoples Army kon NPA sa usa ka lumad nga sibilyan sa ilang lugar.


Sumala kang Datu Rico Maca sa pakighinabi ning sibyahan, gipusil-patay ang biktimang si Boy Maca Astudillo 47-anyos sa bukirang bahin sa Barangay Cayale lungsod sa Tago, Surigao del Sur kapin kon kulang alas-8 sa buntag kagahapong adlawa.

Sigon pa niini mga meimbro sa teroristang NPA ang mihimo sa pagpamusil base na usab sa saysay sa 11-anyos nga anak sa biktima nga gipakita pa sa atubangan niini kung ig-unsa ang pagpatay sa iyang amahan.

Miembro sa tribung Manobo sa Sitio Inadan, Brgy. Magroyongl, San Miguel sa maong lalawigan ang biktima.

-- ADVERTISEMENT --

Dugang pa usab ni Datu Maca kaniadtong gamiton sa NPA ang biktima nga tigpalusot og mga butang sa lugar ug mibalik na kini sa sabakan sa gobyerno niadtong 2016.

Posible matod pa ang pagtahan na niini sa gobyerno ang rason ngaong gipatay sa NPA.

Nabilin sa biktima ang pito ka mga batang anak diin 2-anyos ang kinamagnhuran.


Hustisya karon ang singgit sa pamilya uban ni Datu Rico Maca human sa nadangatan sa maong biktima.