BUTUAN CITY- Ipagawas karong adlawa sa lokal nga panggamahan ang dugang tamdanan human nga ilalom na sa Alert level 2 ang syudad hangtod 30 ning bulana.

Sumala kang Michicko de Jesus ang tigpamaba sa LGU-Butuan sa eksklusibong pakighinabi sa Bombo Radyo Butuan, nga ning adlawa opisyal nga ipagawas ang Executive Order (EO) sa dugang klasipikasyon sama sa curfew, age restrictions ug liquor ban ug uban pa.

Madumdumang gibutang sa Inter Agency Task Force (IATF) ang syudad sa Alert level 2 kondiin pwede ng maka-operate ang mga establisyemento sa pagpahigayon og 50% indoor capacity ngadto sa mga simabahan, negosyo, transportation nga wala kaniadto sa heightened restriction.

Samtang padayong gihapon ang koordinasyon nila sa Department of Health (DOH) ug Department of Interior and Local Government Unit (DILG) sa gihimong Bayanihan Bakunahan nga nagpakatag og mobile vaccination team sa nagkadaiyang barangay ning syudad.