BUTUAN CITY- Giklaro na usab sa buhatan sa Adela Serra Ty Memorial Medical Center sa Tandag City,Surigao del Sur nga halos mapuno na sa mga pasyente nga nagpositibo sa COVID19 ang maong ospital.

Sa pinaka ulahing gipagawas nga datos, nakita nga muabot na sa 897 ka COVID 19 patients ang mga na-admit sa ASTMMC kondiin 725ang na discharge  human naayu gikan sa sakit, samtang 101 na ang namatay.

Gani as of Oktobre 2, anaa na sa 91% nga okopado ang COVID Cardiac Care Unit kon CCU human nadugangang og tulo ka mga pasyente nga nataptan sa covid-19.

Samtang sa covid ward, muabot na usab sa 55% ang bed occupancy rate human nga dunay upat ka bag-ong na admit tungod gihapon sa makamatay nga virus.

Tungod niini nagpaabot og pahimangno ang buhatan ngadto sa publiko nga kung mahimo, doblehon ang pag amping ilabina niadtong wala pa makabakuna nga samtang sayo pa, magpabakuna na aron ma protektahan ang kaugalingon ingun man ang isig ka tao.

-- ADVERTISEMENT --