BUTUAN CITY– Hingpit na nga gihatod sa katapusang pahulayan kaganinang hapon ang abo ni Ka Oris human ang upat ka gabii nga pag-vigil niini didto mismo sa iyang pinuy-anan.

Gihimo ang misa didto na mismo sa Surigao City Memorial Park kung asa ilubong ang abo ni Ka Oris. Gitambungan sa pipila ka mga kabanay sa mitaliwang taas nga lider sa CPP ang pagpahiluna niini uban ang upat ka pare nga maoy nanguna sa misa nga gipahigayon.

Sumala ni Rico Madlos kansang igsoon ni Ka Oris,nga wala na matud pa silay mahimo tungod kay kini matud pa ang gibarugan ni Ka Oris hangtod nga napaingun sa ingun niiini nga sitwasyon.

Mihangyo usab niini nga kung kinsa manton ang dunay mga negatibo pang panghuna-huna batok kang Ka Oris nga kung mahimo nga kalimtan na lang tungod kay wala na’y mahimo labi na mismong silang pamilya wala gani usab makakita sa lawas sa ilang igsoon hinungdan nga padayon gihapon ang ilang pagduda kung tinood ba kini nga patay’ng lawas sa ilang igsoon.