BUTUAN CITY – Misaka na ngadto sa 79 ang pinaka-ulahing kaso sa COVID-19 dinhi sa Caraga region samtang usa ang natalang patay pinaagi sa usa ka 57-anyos nga lalaking gikan sa Surigao City kinsa hypertensive, diabetic, ug duna’y sakit sa kasing-kasing. Gi-ubo siya ug naglisod pagginhawa niadtong Enero 5 apan sa Enero 11 na gi-admit ug namatay sa susamang adlaw.

Samtang sa mga bag-ong kaso, 39 niini ang mga babaye samtang 40 ang mga lalaki ug 67-porsiento kanila ang anaa sa edad nga 21 hangtud 50-anyos.

-- Advertising --

Pinakadaghang kaso gihapon ang natala sa Agusan del Sur nga mi-abot sa 54 ka mga kaso ug na-apod sa mga lungsod sa Bunawan nga anaa’y 42, 5 sa Talacogon, 3 sa rosario, 2 sa San Francisco ug tag-usa sa Prosperidad ug Trento samtang tag-usa ka kaso usab ang natala sa Nasipit ug Kitcharao alang sa Agusan del Norte; ug usa ka kaso sa Brgy. 12 sa Cabadbaran City.

Duha ka mga kaso usab ang natala sa Bayugan City sa Agusan del Sur nga na-apod sa tag-usa ka kaso sa Brgy. Poblacion ug Sta. Irene; samtang 12 ka mga kaso ang natala sa Surigao del Norte partikular sa mga lungsod sa Burgos-5; Del Carmen-4, San Benito-2 ug tag-usa sa Alegria ug Taganaan ug tag-usa ka kaso ang natala sa Brgy. Taft sa Surigao City ug sa Barobo, Surigao del Sur samtang unom lang ka mga kaso ang natala ning siyudad sa Butuan nga na-apod sa tag-usa ka kaso sa Brgy. Bayanihan, Doongan, JP Rizal, Lilbertad, Limaha ug Villa Kanaga.

Sa pagkakaron, ang cumulative COVID-19 cases ning rehiyon, mi-abot na sa 5,246 kondiin 624 kanila ang nagpa-ayo pa; 4,389 ang mga nakarekober na ug 233 na ang patay.