BUTUAN CITY – Ang 7-anyos nga batang gymnast sa Canada nga si Rory van Ulft, mipataas sa kilay sa mga tawo tungod sa iyang mga weightlifting achievements, kondiin ang pinaka-ulahi mao ang pag-ila kaniya isip pinakbatang under-11 ug under-13s US Youth National Champion sa kasaysayan. 

Nagsugod si Rory sa iyang weightlifting ning milabay’ng duha ka mga tuig hangtud nga nag-anam na siya kakusgan.

-- Advertising --

Nagsugod siya pinaagi sa paghimo og mga gymnastics hangtud nga nakakat-on siyang ma-injured kung wala siya’y igong kusog.

Nagsugod na dayon siya pag-alsa og mga bug-at nga dumbbell ubos sa makuting superbisyon sa usa ka trainer kondiin inanay nang na-develop ang iyang kusog hangtud nga maka-alsa na siya og mga weights nga makaya sa mga hamtong gikan sa 32-kilos, 42-kilos, 61-kilos hangtud karon kondiin kaya niayng mu-alsa og 80-kilos gamit ang Olympic women’s bar. 

Ang paghuna-huna lang sa usa ka bata nga mu-alsa og gibug-atong pila ka pilo kaysa iyang timbang, kontrobersyal nang huna-hunaon ilabina nga posibleng ma-injured siya apan ang iyang pamilya ug mga coaches misupak niini dungan sa pagbutyag nga duna’y naglantaw kaniyang family doctor ug usa ka sports medicine pediatrician ug dili siya pa-alsahon sa iyang mga coaches og sobrang timbang.

Ang pagkab-ot sa saktong teknik aron malikayan ang    injuries, kabahin usab sa iyang training regimen.