BUTUAN CITY – Nagsugod na ang kasadya sa lungsod sa Talacogon, Agusan del Sur human ang grand opening kaganina sa ilang 5th Pangado (pangad-zo) Festival subay na usab sa nagsingabot nga ika-144 nga kapistahan sa ilang lungsod karong Nobyembre 13 nga mas nailang Adlaw Hong Talacogon.

Gisugdan kini sa usa ka parada kaganinang buntag nga gisalmutan sa mga tunghaan sa maong lungsod og ubang mga stakeholders.

Human sa parada, gisunod gilayon ang drum ang lyre competition ingon man awarding sa mga indibidwal nga duna’y nahatag nga kalampusan sa ilang lungsod.

Gibutyag ni Atty. Ferdausi Cerna – administrador sa maong munisipyo, hugot nga seguridad na ang gipatuman ilabina sa pwersang gikan sa Police Provincial Office, SWAT team ingon man mga sundalong gikan sa 26th Infantry Battalion, Philippine Army.

Pormal na usab na gibuksan kaganina ang bag-o nilang van og jeepney terminal.

-- ADVERTISEMENT --

Dinapit nga bisita nila ning adlawa si Davao City Mayor Sarah Duterte. (Beth Ruiz)