BUTUAN CITY – Wala’y natalang patay karong adlawa dinhi sa Caraga Region tungod sa COVID-19 hinuon misaka pa sa 56 ang mga natalang bag-ong kaso kansa nadugangan og lima gikan sa natalang 51 kagahapong adlawa ug ang tanang bag-ong kaso, gi-quarantine na, gi-monitor ug gi-atiman pag-ayo.

Sa maong ihap, 30 niini mga babaye samtang 26 ang mga lalaki ug 54-porsiento ang anaa sa edad nga 11 hangtud sa 40-anyos. Pinakadaghan sa mga kaso, natala gihapon sa lalawigan sa Agusan del Sur nga mi-abot sa 24 kansa na-apod sa mga lungsod sa Santa Josefa – 16, San Francisco-5 ug 3 sa Esperanza.

-- Advertising --

Napulo ka mga kaso usab ang natala sa Surigao del Sur nga na-apod sa tag-tulo ka kaso sa mga lungsod sa Cantilan ug Lianga ug tag-usa na sa mga lungsod sa Carmen, Carrascal, Lanuza ug San Agustin.

Mitala na usab og 14 ka mga kaso ang siyudad sa Butuan nga na-apod sa Brgy. Basag-5; Antongalon-2 ug tag-usa sa Brgy. Agusan Pequebo, Ampayon ug Buhangin. Samtang unom ang natala sa Agusan del Norte nga nabahin sa upat ka mga kaso sa lungsod sa Kitcharao ug 2 sa Nasipit; ug tag-usa ka kaso sa Brgy. Tolosa sa Cabadbaran City ug Mabua sa Tandag City.

Sa pagkakaron, mi-abot na sa 4,955 ang cumulative COVID-19 cases kondiin 521 ang mga aktibong kaso samtang 4,213 ang nakarekober ug nagpabilin pa sa 221 ang mga natalang patay.