BUTUAN CITY – Gipangunahan nila Interior and Local Government (DILG) Secretary Eduardo Año, Health Secretary Francisco Duque III, Defense Secretary Delfin Lorenzana, ug Presidential Adviser on the Peace Process Secretary Carlito Galvez, Jr., ang pagpanghatag og assistance ngadto sa mga kanhi rebelde nga mibalik na sa sabakan sa gobyerno.

Gihisgutan usab ang COVID-19 situation sa rehiyon ingon man kung unsaon sa Caraga Region ilabina sa mga lideres niini nga makapadayon sa kampanya sa gobyerno diha sa pagpukan sa local communist armed conflict ingon man makalahutay taliwa sa kasamtangang pandemya.

-- Advertising --

Gipangunahan usab sa maong mga kalihim ug ni Agusan del Norte 2nd District Representative Maria Angelica Matba ug ubang local chiefs, ang awarding sa nagkadaiyang mga hinabang sama sa livelihood assistance ngadto sa 33 ka mga former rebels nga qualified sa Enhanced Comprehensive Local Integration Program (ECLIP).

Sa pakighinabi sa Bombo Radyo Butuan, gibutyag ni Major Francisco Garello, Jr., Civil-Military Operations (CMO) Officer sa 402nd Brigade, Philippine Army, nga sa 33 ka mga former rebels nga nakadawat sa maong mga assitance, 26 niini ang gikan sa Agusan del Norte ug 7 sa Butuan City.

Dili matungkad ang ilang kalipay human hingpit nang nadawat ang nagkadaiyang assistance tungod kay dugay na nila kining gihulat kansa nalangan tungod sa COVID-19 pandemic.