BUTUAN CITY – Padayon pang gipangita sa mga otoridad sa Cabadbaran City, lalawigan sa Agusan del Norte ang tulo ka mga batang taga-Purok 8, Brgy. Mabini, human nalumos sa tubig-baha  kagahapon sa alas-dos sa hapon.

Photo: CTTO

Sa eksklusibong interview sa Bombo Radyo Butuan, gibutyag ni PMajor Renel Serrano, hepe sa Cabadbabran City Police Station, upat ka mga bata ang nanabok sa suba sa Brgy. Mabini aron unta mamasol sa pikas tampi dihang pag-abot sa tunga-tungang bahin, na-anod sila sa kusog nga bul-og sa tubig-baha.

-- Advertising --

Gilangkuban ang mga biktima sa 9-anyos ug 8-anyos nga mga batang babaye ingon man 11-anyos ug 14-anyos nga mga batang lalaki dihang na-anod sila sa tubig-baha nga hatud sa pila ka adlaw nang pag-ulan.

Photo: CTTO

Narekober ang usa kanila partikular ang 9-anyos nga batang babaye ug daling gidala sa Cabadbaran Emergency Hospital apan gideklarang dead on arrival sa attending physician.

Photo: CTTO