BUTUAN CITY – Mi-abot sa 271 ka mga loose firearms ang nakumpiska sa nagkada-iyang police stations ubos sa Police Regional Office kon PRO-13 gikan sa 211 ka mga suspek nga ilang na-neutralize, sukad ang paglingkod ni regional director BGen. Romeo Caramat Jr. niadtong Septembre 17 ning mi-aging tuig.

Kini samtang usa ka tuig na lang alang sa pa-abuton adiser ang 2022 national ug local elections, tungod sa ilang agresibong kampanya batuk sa mga loose firearms.

-- Advertising --

Sa na-arestong 211 ka mga indidbiwal, pito kanila ang namatay atol sa gilusad nga mga police operations sa mga sakop sa Surigao del Norte Police Provincial Office (PPO), Agusan del Sur PPO, Butuan City Police Office, ug sa Regional Intelligence Division 13.

Sigon ni Major Dorothy Tumulak, information officer sa PRO-13, gawas sa nakumpiskang mga armas, 676 usab ka lain ang mga armas ang boluntaryong gisurender o gi-turn over ngadto sa Caraga PNP samtang laing 126 ang gi-turn over atol sa paglusad sa Oplan KATOK, usa ka programa sa PNP kondiin ang mga otoridad naglusad og house-to-house visit ngadto sa mga firearm holders nga wala maka-renew sa ilang mga firearms license.