BUTUAN CITY – Nagpadayon karon ang hot pursuit operation nga gihimo sa mga sakop sa 30th Infantry Battalion, Philippine Army batuk sa nanibat nga mga rebeldeng New Peoples Army kon NPA human nanunog og duha ka mga heavy equipment.

Sigon ni 30th IB spokesman 2nd Lt. Jonel Castillo, gibana-banang 15 ka mga rebeldeng NPA ang misunog sa usa ka backhoe og usa ka compactor nga gipanag-iyahan sa Galeo Equipment Corporation kansa gigamit alang sa road construction sa Barangay Mapawa, Surigao City pasado alas-6:30 kagabii.

Gawas sa pagpanunog, gi-harass usab matud pa nila ang mga sibilyang nagbantay sa maong mga heavy equipment diha sa project site.

Gidala usab sa pagsibat sa mga rebelde ang mga cellphones, gadgets og ubang personal nga mga gamit sa mga gwardiya. (Beth Ruiz)

-- ADVERTISEMENT --