BUTUAN CITY – Gikan sa upat kagahapong adlawa, nakatala na usab og 2 ka mga bag-ong patay sa COVID-19 ang Caraga Region samtang 59 ang mga bag-ong kaso kondiin apil sa mga namatay ang usa ka 78-anyos nga lola nga taga-Bunawan, Agusan del Sur kinsa diabetic ug duna’y sakit sa kasing-kasing, naglisod pagginhawa niadtong Enero 12, gi-admit sa ospital niadtong Enero 15 ug namatay sa susamang adlaw.

Samtang ang ikaduhang kaso, mao ang 41-anyos nga lalaking taga-Tubay, Agusan del Norte kinsa hypertensive, diabetic, duna’y problema sa bato samtang nakasinati og diarrhea niadtong Enero 10 , gi-admit pagka-13 apan namatay niadtong Enero 16.

-- Advertising --

Sa mga bag-ong kaso, 37 niini ang mga lalaki samtang 22 ang mga babaye ug 69-porsiento ang anaa sa edad nga 21 hangtud sa 50-anyos kondiin pinakadaghan gihapon ang natala sa Agusan del Sur nga na-apod sa 14 ka mga kaso sa lungsod sa Rosario, 8 sa Bunawan, 3 sa San Francisco ug tag-usa sa Prosperidad ug Trento.

Upat ka mga kaso ang natala sa Aguan del Norte partikular na sa mga lungsod sa Kitcharao, Magallanes, Nasipit ug RTR samtang 3 ka mga kaso ang natala sa Cabadbaran City. samtang mitala usab og tag-usa ka kaso ang Bayugan City, Surigao del Norte partikular sa mga lungsod sa Dapa ug Tubod; samtang 5 ka mga kaso sa Surigao del Sur partikular sa mga lungsod sa Hinatuan ug Lianga nga duna’y tag-usa ug usa ka kaso usab sa Tagbina.

Mi-abot usab sa 16 ang mga natalang kaso sa Butuan City nga na-apod sa 3 ka kaso sa Brgy. Ambago, tag-duha sa Bayanihan, Lumbocan ug Villa Kananga ug tag-usa usab sa Brgy. Bading, Fort Poyohon, Libertad, Limaha, Maon, San Ignacio ug Taguibo.