BUTUAN CITY – Mitala na usab og duha ka bag-ong patay ug 43 ka mga bag-ong COVID-19 cases ang Caraga Region kondiin 22 sa bag-ong kaso mga lalaki samtang 21 ang mga babaye ug 60-porsiento ang anaa sa edad nga 21 hangtud 50-anyos.

Ang bag-ong mga kaso na-apod sa 13 ka mga kaso sa Agusan del Sur nga nabahin sa mga lungsod sa San Francisco -3; tagduha usab sa La Paz, Loreto, Rosario ug Talacogon samtang tag-usa sa Prosperidad ug Trento ug mitala usab og tag-usa ka kaso sa mga lungsod sa Nasipit ug Buenavista alang sa Agusan del Norte.

-- Advertising --

Unom ka mga kaso usab ang natala sa Bayugan City nga naggikan sa Brgy. Noli ug Poblacion nga duna’y tagduha ug tag-usa usab sa Sta. Irene ug Sta. Teresita samtang duna’y usa ka kaso sa Claver, Surigao del Norte; 2 sa Surigao City partikular sa Brgy. Punta Bilar ug Togbongon samtang lima ka mga kaso sa Surigao del Sur nga na-apod sa mga lungsod sa Barobo-2 ug tag-usa sa Cagwait, Tagbina ug Tago samtang 2 ka mga kaso usab sa San Agustin, Tandag City ug 12 ka mga kaso sa Butuan City nga natala sa Libertad ug LImaha nga duna’y tag-tulo, tagduha sa Lapu-Lapu ug Bancasi ug tag-usa sa Ambago ug Villa Kananga.

Samtang apil sa nga namatay ang usa ka 55-anyos nga lalaking taga-Tago, SUrigao del Sur nga hypertensive, diabetic, duna’y heart ug kidney failure,m gi-ubo ug naglisod pagginhawa niadtong Enero 2 ug gidala sa ospital pagka-ENero 7 apan tungod sa mga komplikasyon, namatay paglabay sa duha ka adlaw.

Samtang ang ikaduhang kaso mao ang usa ka 40-anyos nga lalaking gikan sa Surigao City kinsa diabetic ug duna’y lung disease, gi-ubo, naglisod pagginhawa, ug naluya ang lawas niadtong Enero 4, gi-admit pagka-Enero 8 apan namatay sa susamang adlaw.