BUTUAN CITY – Shock na lang ang mga barkada, higala, classmates ingon man ang kabanay sa usa ka 15-anyos nga dalagita nga tinud-on diay niini ang iyang gi-share nga post sa Facebook kalabot sa kamatayon kondiin gi-awhag pa sila nga mubisita sa iyang haya.

 

Sa panig sa pamilya Hewe sa Zacor, Brgy. Tandang Sora ning siyudad sa Butuan,  igo na lang sila sa pagbangutan dihang wala na maluwas pa ang kinabuhi ni Nicole Hewe human naghikog gamit ang duplex wire.

 

Sa asuy sa amahan sa biktimang grade 9 student nga si Bebot atol sa eksklusibong pakighinabi sa Bombo Radyo Butuan, tulog pa ang biktima og mga igsoon niini dihang gibiyaan niya aron mutrabaho.

-- ADVERTISEMENT --

 

Dako na lang ang iyang kakurat dihang sa iyang pagpa-uli na-abtan na niyang nagbitay na kini sulod sa kwarto og wala na matabang dihang gidala sa ospital.

 

No comment pa ang pamilya sa mga subo nga posts niini nga iyang Facebook account kalabot sa tinuod nga gihambin niining problema. (Beth Ruiz)