BUTUAN CITY – Usa ka rebeldeng New People’s Army ang patay sa natigayong engkwentro niadtng Sabao sa alas-5:10 sa hapon tali sa 4th  Infantry (Diamond) Division, Philippine Army didto sa bisinidad sa Talupa, Sitio Dumagook, Brgy. Lawaan, Gingoog City, Misamis Oriental nga miresulta usab sa pagkumpiska nila sa tulo ka mga high powered firearms.

Gibana-banang napulo ka mga rebeldeng NPA nga mga sakop sa Sub Regional Sentro De Gravidad (SRSDG) MTJ Eagles of the North Central Mindanao Regional Command (NCMRC) ang na-engkwentro sa mga sakop sa 42nd  Division Reconnaissance Company (DRC) ubos sa operational control sa 58th  Infantry (Dimalulupig) Battalion sa 402nd Infantry Brigade, 4th Infantry (Diamond) Division.

-- Advertising --

Base sa report gikan sa 58th IB, dihang gisuhid sa mga sundalo ang mga lama sa tiil gikan sa kanhi kuta sa mga rebelde, ilang na-engkwentro sulod sa 25-minutos ang walhong grupo nga miresulta sa pagkakumpiska nila sa duha ka mga M16 rifles ug usa ka M14 rifle.

Kaganinang alas-5:30 sa sayong buntag, gisuhid na sa mga sundalo ang encounter site ug dinhi na nila nadiskubrehan ang usa karebeldeng patay na human gibiyaan sa mga ka-ubanan hinungdan nga padayon ang paggukod sa tropa sa nanibat nga ga kaaway.