BUTUAN CITY – Padayon pang gi-ila ang identity sa usa ka rebeldeng New People’s Army kon NPA nga napatay atol sa engkwentro kaganinang alas-5:15 sa sayong buntag tali sa mga sakop sa 29th Infantry “Matatag Fighters” Battalion, Philippine Army.

Sa eksklusibong pakighinabi sa Bombo Radyo Butuan, gibutyag ni battalion commander LCol. Aristotle Antonio nga nagpahigayon og combat operation ang iyang mga sakop dihang ilang na-engkwentro ang pito ka mga rebeldeng sakop sa Sandatahang Yunit Pangpropaganda kon SYP16A GF16, NEMRC ubos sa kadumalahan ni Kumander Samuel Batican alyas  Ka Popo didto sa Sitio Cabadiangan, Brgy Jaliobong, lungsod sa Kitcharao, Agusan del Norte.

-- Advertising --
Photo: CTTO

Milungtad matud pa og 25 minutos ang binakbakay nga miresulta sa pagkamatay sa rebelde ug pagkarekober sa usa ka high powered firearm, nagkada-iyang war material, mga pagkaon ug personal nga kagamitan.