-- ADVERTISEMENT --
BAGUIO CITY – Pimmusay ti uppat nga indibidual iti nagsina a drowning incidents sadiay Taberna, Bauang ken Dalupinas Oeste, San Fernando City, La Union.
Maibasar iti report ti La Union PPO, dagiti biktima ket agtawen iti 11-anyos a babai, 21-anyos a lalaki, agpada a taga-Baguio City; 21-anyos a lalaki ken 19-anyos a lalaki, agpada a taga- La Trinidad, Benguet.
Gapu iti daytoy, nagpalagip manen ti Benguet PDRRMC kadagiti kakailyan nga agturturong kadagiti beach resorts, swimming pools wenno karayan nga agannad dagitoy.
Maipalagip nga itay laeng nabiit ket pimmusay metlaeng ti agama a taga-Baguio City kalpasan a nalmes dagitoy iti flores beach sadiay Brgy. Baccuit Sur, Bauang, La Union.
