-- ADVERTISEMENT --

BAGUIO CITY – Tinagiragsak ti La Trinidad Municipal Health Office (MHO) nga awan dagiti indibidual wenno kapamilya a nakapulapol ti kaunaan a kaso ti Delta variant iti rehion Cordillera kalpasan ti panangisayangkatda ken ti Barangay Health Emergency Response Team (BHERTs) sadiay Balili, La Trinidad, Benguet iti contact tracing.

Immunan a naipadamag a limmabas metlaeng ditoy Baguio City ken sadiay La Trinidad, Benguet ti naireport idi Agosto 6 a kanuaan nga kaso ti Apayao iti delta variant.

Naamoan pay a nabigbig daytoy kas nakarekober wenno naimbagan manipod iti COVID-19 kalpasan a nagpataming sadiay Baguio General Hospital and Medical Center.

Sigun kenni MHO-Officer Dr. Antonette Agpas, naamoan nga awan ti nakapulapol ti nasao nga pasiente kadagiti kapamilyana sadiay Balili iti uneg ti 14-day period incubation.

Immuna metten a naamuan a nagpataming ti nasao a pasyente iti Baguio General Hospital and Medical Center.

-- ADVERTISEMENT --

Gapu iti kadagitoy, maibagana a natalged paylaeng dagiti umili sadiay kontra iti nasao nga variant.

Innaklonna met a naalarmada idi naawatda ti impormasyon isu’t gapuna a dagus dagitoy a nang-imbestigar ken nangisayangkat iti contact tracing.

Gapu iti daytoy, kinunana nga awan ti nasken a pagbutngan dagiti residente iti nasao a lugar.

Kinunana pay a nasken latta nga agridam dagiti umili ti La Trinidad ken agtungpalda kadagiti minimum health standards nangruna ta naobserbaran a ngumatngato ti kaso ti COVID-19 sadiay.

Kaggidan iti dayta, impeksana met ti panagyamanna kadagiti contact tracers nga agserserbi sadiay gapu iti kinasiglat dagitoy wenno alertoda apaman a naawatda ti damag a nagturong ti umuna nga pasiente wenno kaso ti probinsia ti Apayao iti delta variant iti maysa a barangay a sakop dagitoy.

ni La Trinidad Municipal Health Officer Dr. Antonette Agpas