BAGUIO CITY – Natiliw ti maysa a tricycle driver a drug personality iti buy-bust operation nga insayangkat dagiti otoridad sadiay Bangued, Abra idi kanikadua.

Nabigbig daytoy a ni Joseph Cabañero Alcantara, 40-anyos, residente ti Bangbangar, Bangued, Abra ken nakalista a maika-16 a High Value Individual iti regional level ti PNP ken PDEA.

-- Advertisement --

Kabayatan ti operasyon ket nakumpiskar kenkuana ti dua a pakete ti maatap a shabu nga agdagsen ti 0.07 gram ken ti inaramatna a cellphone ken motorsiklo iti panakitransaksionna iti operatiba.

Narekober met iti ikotna ti naaramat a buy-bust money.

Iti agdama, sumangsangon ni Alcantara iti kaso a panaglabsing iti Comprehensive Dangerous Drug Act of 2002.