-- ADVERTISEMENT --

BAGUIO CITY – Inpatangken ti lokal a gobierno ti siudad ti Baguio a saan a mawaswas ti pammilin seknan iti mas istrikto a panagbantay kadagiti entry points ti La Trinidad, Tuba, Tublay, ken Sablan nga agturong ditoy syudad ti Baguio nangrugi idi November 21 aginggat December 4, 2020.

Sigun kenni City Administrator Engr. Bonifacio Dela Peña, maawatanda ti pakaseknan dagiti umili kadagiti nasao a munisipyo ngem impettengna a para metlang iti pagsayaatan ti kaaduan ti nasao a pammilin.

Kinunana a nangipaayen ni Baguio City Mayor Benjamin Magalong iti konsiderasyon babaen iti pannakaitantan ti panagala iti medical certificate ken napalukayan ti panangsukimat ti pulisya iti nasao a documento tapno maipaayan iti gundaway dagiti umili nga agala iti daytoy.

Maipalagip a kiniddaw dagiti opisyal ti Benguet ti pannakaikonsidera wenno pannakaibabawi ti travel restrictions nga inpaulog ni Magalong.