-- ADVERTISEMENT --

BAGUIO CITY – Nakemmeg ti maikainnem iti Top Most Wanted Person ti Regional Anti-Cybercrime Unit (RACU) Cordillera para iti agdama a tawen sadiay PNR Compound, Baguio City

Nabigbig daytoy a ni Neil Brayan Martin, 22 anyos, college student, ken residente ti Labored Extension, Pandacan, Manila.

Maibasar iti report, nakemmeg ti nasao a lalaki babaen iti bilig ti warrant of arrest para iti kaso ken panaglabsingna iti Art. 318 ti Revised Penal Code a naipaulog babaen iti First Judicial Region, Third Branch, Baguio City idi October 18, 2018

Nairekomendaran met ti lalaki iti pyansa a dumanon iti 6, 000

Mainaig iti dayta, naamuan nga idi March 2018, ti akusado ket naireklamo gapu iti panagaramatna iti peke a bussiness permit tapnu makailako iti gadgets ngem awan iti maipatulodna nga item iti kanito a maawatna ti bayad ti buyer.

-- ADVERTISEMENT --

Kagiddan iti dayta, namingsan manen a naballaag iti RACU iti publiko nga agannad ken saan a mamati ken agtalek a dagus kadagiti maipopost iti social media.