BAGUIO CITY – Nagballigi ti Team Lakay ken Igorota MMA fighter a ni Jenelyn “The Graceful” Olsim iti kampanyana iti ONE: Battleground III a naangay iti Singapore Indoor Stadium.

Nangabak daytoy kontra kenni Bi “Killer Bee” Nguyen ti Vietnam babaen iti Unanimous Decision.

-- Advertisement --

Gapu iti panangabak ti 24-anyos manipud Bokod, Benguet, naipaayan daytoy ti gundaway a mangsango kenni Grace “Thai Kitten” Cleveland ti United States iti alternate bout ti Women’s Atomweight World Grand Prix ti ONE Championship a maangay inton sumaruno a lawas.

Iti agdama, iggem ti #5-ranked strawweight contender ken Igorota MMA fighter ti rekord a 4-2.