BAGUIO CITY–Tarigagay ti lokal a gobyerno ti Baguio City nga ipaayan iti World Class nga sport venue dagiti atleta ti rehiyon Cordillera.

Gapu iti daytoy, naituding a maibangon ti maysa nga Sports Building iti masakupan ti Baguio Athletic Bowl a napondoan iti dumanon P300-M.

-- Advertisement --

Iti panakaiuman ti Bombo Radyo Baguio kenni City Sports Coordinator Gaudencio Gonzales, inlawlawagna nga iti kanito a maibangon ti nasao nga istruktura ket maakomodar dagiti indoor games kas iti billiards, bowling lane, gymnastics, combats ken dadduma pay.

Kinunana a paset ti proyekto ti rehabilistasyon dagiti bleachers tapnu makaakomodar iti 6,000 nga audience manipud iti 4,000 a sigud a maak-akomodar daytoy.

Inayonna a manayonan pay ti kalawa ken kaatidog dagiti swimming pools ken maimuntar ti computerized wenno electronic system tapno nalaka ti ti panakakita iti score dagiti atleta kabayatan dagiti ay-ayam.

Namnamaen ni Gonzales a babaen iti balligi a pannakapapintas ken pannakaipasdek ti sport building ket mapadur-as pay ti karera dagiti atleta a mangibagbagi iti rehion kadagiti nagduduma nga sports events.

Puntirya pay dagiti opisyal ken stakeholders iti proyekto ti posibilidad a maidiaya ti napapintas nga sport venue para kadagiti international competitions.

ni Baguio City Sports Coordinator Mr. Gudz Gonzales