BAGUIO CITY – Ururayen paylaeng ita ti lokal a gobierno ti Sablan, Benguet ti sungbat iti kiddaw dagitoy iti Bureau of Fire Protection-Cordillera seknan iti panakapaawid paylaeng dagiti trainees nga adda ita iti masakupan dagitoy a munisipyo.

Sigun kenni Mayor Manuel Munar, immunan nga kiniddaw dagitoy iti pannakapaawid paylaeng dagiti trainees sadiay kasaruno ti pammilin ni Mayor Benjamin Magalong a masuspindir ti panagsanay dagitoy gapu iti outbreak ti COVID-19 kadagiti sumagmamano nga trainees.

Kinunana a kiniddaw metlaeng dagiti umili ti pannagawid pay dagiti 98 nga trainees a naka-inhouse sadiay Suyoc,Banangan gapu iti ammak dagitoy nga adda manen ti mapasamak a panagngato ti kaso ti COVID-19 iti lugar a pagsan-sanayan dagitoy.

Nakikoordinar wenno inyumanda metten iti regional Director ti BFP-Cordillera ti nasao nga kiddaw ken pakaseknan dagiti umili sadiay.

Nupay kasta, kinunana nga aniaman ti agbalin a desisyon wenno pangngeddeng ti Regional Director ti BFP-Cordillera ket irespetoda daytoy.

Maipalagip a sinuspindir ni Mayor Magalong ti amin a panagsanay ti PNP ken BFP trainees ditoy siudad kasaruno ti namin dua nga outbreak ti COVID-19 iti nagsina a training center ti PNP, no sadino nasurok iti 120 a police officers a maipaspasidong iti panagsanay ti nagpositibo iti COVID-19 nu sadinno naduktalana a resulta daytoy ti panaglabsingda kadagiti panaglabsing iti health and safety protocols.

-- Advertisement --