-- ADVERTISEMENT --

BAGUIO CITY–Balligi a naipatungpal ti simulation exercies iti pannakaibyahe dagiti bakuna kontra COVID19 ditoy Baguio City.

Sigun kenni Dr. Nelson Hora, Medical Officer IV ti City Health Services Office, nairugi daytoy iti pannakaisangpet dagiti bakuna nga agtaod iti Department of Health ken pannakaipaima dagitoy iti City Health Services Office(CHSO)agingga iti panakaiturong daytoy iti vaccination site.

Karaman pay ditoy ti panakaisagana ti triage area para kadagiti agpabakuna tapnu maamuan iti kasasaad ti salun at dagitoy kasta met ti registration kadagiti agpabakuna tapnu mabiripikar dagitoy.

Kalaksid iti dayta, kasapulanda metlang nga agpirma iti letter of concent sakbayda a mabakunaan tapnu mangpammaneknek a boluntaryo dagiti agpabakuna.

Kinunana pay nga adda iti mapasamak a medical check up kadagiti agpabakuna tapnu maipasigurado nga awan iti agbalin a parikot iti panagbakuna dagitoy.

-- ADVERTISEMENT --

Maipaayan dagitoy iti Vaccine Card nga agserbi kas pammaneknek a nalpas dagitoy a nabakunaan kasta metten nga iparangda daytoy para iti maikadwa a dose ti bakuna.

Inlawlawagna nga atiddog ken strikto ti proseso ti panagbakuna dagitoy para metlang iti kinatalged dagiti mabakunaan.

Mainaig iti dayta, kinunana nga adda iti isaganada nga emergency response team tapnu agresponde kadagiti makapasar iti side effect kadagiti bakuna.

ni Dr. Nelson Hora, Medical Officer IV ti City Health Services Office