-- ADVERTISEMENT --

BAGUIO CITY – Impalubosen ti City Environment and Parks Management Office (CEPMO) ti panaka-angay ti seremonya ti kallaysa iti nalatak a Burnham Park ditoy siudad ti Baguio.

Sigun kenni Atty. Rhenan Diwas, dadaulo ti CEPMO, mabalinen ti nasao nga aktibidad iti Burnham Park ngem nasken a nainget a masurot dagiti pagalagadan nga inyetnag ti Inter-Agency Task Force (IATF) para iti panagliklik iti COVID-19 kas iti social distancing ken limitado a bilang dagiti bisita.

Kinunana a dumanonen iti uppat a kiddaw ti naawat ti opisinada tapno maaramat dagiti parke ti siudad partikular ti Burnham Park para iti panagkallaysa.

Inlawlawagna a mapalpalubosan dagiti agkiddaw, nangruna dagiti agkallaysa kuma iti korte gaputa bassit ti chamber ken awan ti umno a ventilation dagitoy.

Gapu iti daytoy, kinuna ti abogado a mabalin a kiddawen dagiti maseknan nga agkallaysa ti pammalubos ti CEPMO tapno aramatenda a venue ti seremonya dagiti open areas kas iti parke.

-- ADVERTISEMENT --
– ni Atty. Rhenan Diwas, dadaulo ti CEPMO

Inyunay-unayna a dagiti agkallaysa iti open area ket kasapulan nga agala ti permit manipud iti CEPMO tapno maadal ti bilang dagiti maiwaras a personnel ti opisina ken security guard a mangwanawan kabayatan ti seremonya.

Kinuna pay ni Atty. Diwas a ti mabalin laeng maaramat a venue a parke ket ti Burnham Park ngem saan a karaman ti Rose Garden ken Botanical Garden gaputa manarimaan ti rehabilitasyon dagitoy.

ni Atty. Rhenan Diwas, dadaulo ti CEPMO

Maipawil metlaeng a maaramat kas venue ti kallaysa ti Melvin Jones, Mines View ken tiDominican Heritage Hill.

Maipalagip nga itay kanikadua ket adda ti naangay a kallaysa iti viewdeck ti Lake Drive sadiay Burnham Park, no sadino, ado dagiti nasdaaw ken nangbabalaw iti daytoy. (report ni Bombo Irene V. Buenaventura)