BAGUIO CITY – Agserbi ti Baguio City Police Office (BCPO) a pilot area iti panakaisayangkat ti Search for Model Cordi Police a programa iti Police Regional Office Cordillera (PROCOR) Advisory Council.

Sigun kenni Engr. Eduardo Meneses, chairman ti PROCOR Advisory Council, panggep ti programa a matulungan dagiti pulis iti rehiyon a makikaykaysa iti implementasyon dagiti programa ni PNP Chief Guillermo Elleazar kas iti panakabiag dagiti nagduduma a programa ti PNP kas iti manarimaan nga Intensified Cleanliness Program.

-- Advertisement --

Inyunay-unayna a babaen iti Search for Model Cordi Police ket matulungan dagiti pulisan iti Cordillera nga agtungpal kadagiti pammilin wenno direktiba ti Chief PNP.

Dinakamatna a ti Cleanliness in Rank, Cleanliness in Office ken Cleanliness in Community ti agbalin a basaran tapnu mapili ti mangabak kas Model Cordillera Police.

Maipatungpal nga umuna ti Search for Model Cordi Police iti sangapulo nga istasyon ti BCPO sakbay a maipatungpal iti dadduma nga istasyon ti pulisya iti rehiyon Cordillera.