photo | DA-Cordillera

BAGUIO CITY – Nadutukan ita kas baro a poster girl ti highland agriculture ti Cordillera Region ni reigning Miss Earth Philippines 2020 Roxanne Allison Baeyens a tubo ti Besao, Mountain Province.

Kagiddan daytoy ti panangital-o ti Department of Agriculture-Cordillera iti highland agriculture babaen iti panakikadwada iti Cordilleran beauty queen nga aktibo nga advocate ti urban agriculture.

-- Advertisement --

Sigun kenni DA-Cordillera Regional Director Cameron Odsey, puntirya ti programa nga addaan tema a ‘Cordillera Agriculture Resilient and Beautiful’ a maital-o dagiti aktibidad ken inisyatibo iti urban agriculture ken dagiti agricultural products ti Cordillera.

Tarigagay met ti Igorota beauty queen a babaen iti partnership-na iti DA-Cordillera ket ad-adu pay nga agtutubo ti maawis ken maaddaan iti interes iti urban agriculture.

Kinunana pay a dakkel ti bentahe ti urban agriculture iti panakaipasigurado ti kinatalged ti taraon ken iti mismo a nakaparsuaan.

Kabayatan ti programa ket naaddaan ni Baeyens iti gundaway a mangpadas iti panagmula ti nateng, kape ken fruit trees malaksid pay iti panagpagatas iti baka.

Maipalagip a nakoronaan ni Baeyens iti kaunaan a virtual pageant ken coronation ti Miss Earth Philippines idi napalabas a bulan ti Hulyo.