-- ADVERTISEMENT --

BAGUIO CITY – Naideklara a personan non grata sadiay Barangay Madaymen, Kibungan, Benguet dagiti rebelde a New People’s Army (NPA).

Impasa dagiti lokal nga opisyal ti Barangay Madaymen ti Resolution No. 8, series od 2020 a mangidekdeklara kadagiti kameng ti NPA a persona non grata iti barangayda.

Nailanad iti resolusyon a nabukel daytoy kas panangsuportarda iti kampanya ti gobyerno para iti panakaparmek dagiti rebelde ken ti presensia dagitoy iti probinsia ti Benguet.

Impeksada pay ditoy ti tarigagayda nga awanen kuma ti anak ti Kibungan a maisakripisyo ken mapasag iti engkwentro kontra kadagiti rebelde.

Kinunada a ti ipupusay daydi Police Corporal Marlon Casil a tubo ti Kibungan iti rinnupak kontra kadagiti rebelde sadiay Tadian, Mountain Province idi napalabas a tawen ti maudin nga involvement dagiti tattao ti munisipyo kadagiti rebelde.

-- ADVERTISEMENT --

Maipalagip nga adun a barangay ken munisipyo iti nagduduma a probinsia ken siudad ti Cordillera Region ti nangipasa iti resolusyon dagitoy a mangidekdeklara kadagiti rebelde nga NPA kas personan non grata iti lugar dagitoy.