BAGUIO CITY – Ad-adalen ti lokal a gobierno ti siudad ti Baguio ti panakaisubli ti market schedule kas addang tapnu malapdan ti agtultuloy a panagngato ti kaso ti COVID-19 iti lokalidad.

Sigun kenni Mischelle Junio, Data Analyst ti Contact Tracing Team ti Baguio, kitkitaenda ti datos ti COVID-19 no dakkel ti outbreak ti nasao a sakit iti merkado publiko ti siudad.

Kinunana a nakikoordinarda metten kenni PCol. Glenn Lonogan, dadaulo ti Baguio City Police Office mainaig iti nasao a plano.

Imbinglayna a sakbay a maaramid ti plano ket nasken nga adalenda ti datus ti COVID-19 iti merkado publiko.

Kagiddan iti daytoy, ipalpalagipna manen ti panagsurot dagiti market goers kadagiti minimum public health standards kontra iti COVID-19.