BAGUIO CITY – Nailukaten iti publiko ti park bench book a naawagan ti “Dibshi Jen Dibsho” a maysa a pannarita ti Ibaloi a kaipapananna ket Libre a Libro.

Masarakan daytoy iti inner lake pathwalk ti Burnham Park ken nabukel ti konsepto babaen iti dadaulo ti City Environment and Parks Management Office (CEPMO) kas paset ti “parks for all” project ti nasao nga opisina.

-- Advertisement --

Sigun kenni Atty. Rhenan Diwas, dadaulo ti CEPMO, iti nasao a proyekto ket naimuntar ti maysa a book cabinet iti maysa a kayo a pagtugawan ken ditoy a mabalin nga agala dagiti parkgoers iti libro a basaenda.

Agtaud kadagiti naputed a natay a kayo kabayatan wenno kalsada ti bagyo dagiti maaramid tugawan ken book cabinet.

Kinunana a maimuntar ti kanayonan a tallo a park bench book iti aglawlaw ti Burnham Lake, maysa iti Rose Garden ken sadiay Malcolm Square ken Wright Park.

Iyaw-awisna met ti panangidonar iti libro dagiti kayatda a mangsuportar iti nasao a proyekto.

Maiyap-apela pay ti panagbalin a responsable dagiti agala iti libro a basaen dagitoy manipud iti nasao a park bench book.