-- ADVERTISEMENT --
info graph on African swine fever (credit to owner)

BAGUIO CITY – Iningetan ti Department of Agriculture (DA)-Cordillera dagiti addang tapno malapdan ti posible nga iseserrek ti African Swine Fever ditoy Cordillera.

Imballaag ni DA-Cordillera Regional Executive Director Cameron Odsey a mabalin a maapekatarn dagiti agtarataraken iti baboy ken dagiti konsumer babaen iti nasao a sakit.

Kinunana a nasken nga agannad dagiti umili manipud iti pannangan dagitoy kadagiti processed pork wenno naiproseso a karne ti baboy.

Imbalakad pay ti ahensia ti panangsukimat a naimbag dagiti umili kadagiti lebel dagiti gatangenda a na-proseso a karne.

Malaksid iti importation ban iti karne ti baboy iti dadduma a pagilian ket naipawil met laeng ti pannakailako ditoy Pilipinas dagiti pork products manipud dadduma a pagilian.

-- ADVERTISEMENT --

Imbilin met laeng ti DA ti panakapasayaat ti quarantine checkpoints iti nagduduma a paset ti Cordillera tapno maliklikan ti iseserrek ti African Swine Fever.