BAGUIO CIOTY – Agtultuloy latta ti panangipatungpal ti City Health Services Office (CHSO) iti COVID-19 Mobile Vaccination (MoVacc) iti nagduduma a paset ti siudad iti baet ti mapaspasaran a panagbayakabak ti napigsa a tudo.

Sigun kenni Assistant City Health Officer Dr. Celia Flor Brillantes, nalpasen a nabakunaan kontra iti COVID-19 dagiti senior citizens ken bedridden a persons with comorbidities nga adda iti listaan ti CHSO.

-- Advertisement --

Kinunana nga inlaylayonda ita kadagiti fix sites ti implementasyon ti MoVacc partikular iti merkado publiko, iti Baguio City Police Office, iti City DRRM Office ken dadduma pay.

Innayonna a tunggal Lunes kadagiti amin a district health centers iti siudad ket mangisayangkat iti MoVacc bayat nga iti Martes agingga Biyernes ket mangisayangkat iti MoVacc dagiti saan a naka-duty kadagiti health centers.

Immuna metten nga inlawlawag ni Dr. Brillantes a babaen iti nanayonan a panakaisayangkat ti MoVacc ket ad-adda a mapapartak ti panagbakuna kontra iti COVID-19 ditoy siudad ti Baguio.

ni Assistant City Health Officer Dr. Celia Flor Brillantes