BAGUIO CITY – Impasigurado ti dadaulo ti City Social Welfare and Development Office (CSWDO) ti panakaipaay ti family food packs kadagiti pamilya ditoy siudad ti Baguio nga apektado iti mapaspasaran a nepnep.

Sigun kenni CSWDO head Betty Fangasan, manarimaan ti panangiwarasda ti family food packs wenno relief assistance kadagiti pamilya a naapektaran ti nepnep.

-- Advertisement --

Kinunana a nasurok 200 a pamilya ti na-validate dagitoy a maipaayan ti nasao a tulong.

Dinakamatna a dagiti food packs ket naglaon ti lima kilo a bagas, kape, asukar, de lata ken dadduma pay ken aggatad amin dagitoy ti P500.

Manarimaan pay ti panangiproseso ti CSWDO kadagiti tulong partikular ti emergency shelter assistance a maipaay kadagiti dua a pamilya iti siudad para iti pagtaengan dagitoy a naan-anay a nadadael ken ti 29 a pamilya nga addaan pagtaengan a nakapasar ti dadael gapu iti agdama a nepnep.

ni CSWDO head Betty Fangasan