-- ADVERTISEMENT --

BAGUIO CITY – Ikagkagumaan dagiti taffic enforcers ken traffic aides iti Baguio nga imaton ti trapiko kadagiti kangrunaan a paset ti kalsada iti siudad a kadawyan a pakapaspasamakan ti nailet a gunay ti trapiko nangruna iti rush hours.

Iti panakiuman ti Bombo Radyo Baguio kenni P/Major Roldan Cabatan, dadaulo ti Traffic Enforcement Unit ti Baguio City Police Office, immado dagiti lugan nga agbibiahe kadagiti kangrunaan a kalsada ti siudad.

Dinakamatna a maysa pay a mangituntunda iti nailet ita a gunay ti trapiko dagiti siyam a manarimaan a patrabaho ti DPWH ken ti City Engineering Office kadagiti kangrunaan a kalsada iti aglawlaw ti siudad nangruna kadagiti pastrek iti Baguio.

Sigun kenkuana, numero uno a makapaspasar iti nailet a gunay ti trapiko ti access road iti Bokawkan-Naguilian, ti Camdas area iti Bokawkan Road ken dagiti intersections iti Central Business District kas iti Abanao ken iti Magsaysay.

Mangnamnamada pay a malpasen ti patrabaho iti paset ti paggasolinaan iti Naguilian Road tapnu maisubli ti sigud a traffic scheme sadiay.

-- ADVERTISEMENT --

Inlawlawagna a maysa daytoy a rason no apay a saanda a paspastreken dagiti parapasahero a jeep nga aggapu ti La Trinidad nangruna iti rush hour iti deppaar ti Naguilian Road.