BAGUIO CITY – Inlawlawag ni City administrator Bonifacio Dela Peña ti panakailukat manen ti TURISMO iti siyudad ti baguio.
Iti panakiuman ti Bombo Radyo Baguio, kinuna ni Engr. Dela Peña a daytoy ket tapno makabangon manen ti natay nga ekonomiya ti siudad nangruna iti sektor ti turismo.


Inayonna a no saan a mailukkat ti turismo ti siyudad ket ad-adda a bumaba ti ekonomiya ti siyudad.
Innayonna a ti turismo ti maysa a mangbibiag iti ekonomiya ti siudad.

-- Advertisement --


Nupay kasta, inyunay-unayna a saan a mapalubosan a makastrek iti siyudad dagiti turista a nagtaud kadagiti lugar a naipasidong iti Modified Enhanced Community Quarantine partikular iti NCR plus.

Malaksid iti dayta, impaganetgetna a 3,000 laeng a turista ti maakomodar iti inaldaw ken maikalikagum kadakuada ti negatibo a resulta ti RT PCR test wenno Antigen Test ken masapul nga agrehistro dagitoy iti VISITA online sakbayda a mapauneg iti border checkpoint.


Impasigurado ni dela Pena a nataltalged ti kasasaad dagiti turista nga agturong iti siudad gaputa nairekomendar ti panakaipasidongda iti COVID-19 testing a naipaay 72 hours sakbay ti panagturongda iti siyudad.


Impanamnamana nga istrikto a suruten dagiti turista dagiti health standards iti panagsiudad agingga iti panagturongda kadagiti hotels and accommodations gaputa nabilinen dagiti pasilidad.

Immuna metten a kiniddaw ti lokal a gobyerno ti pammalubos ti IATF ken nangipaay met ti Department of Tourism iti direktiba seknan ti panakailukkat ti turismo ti siudad.