-- ADVERTISEMENT --

BAGUIO CITY – Umap-apela dagiti otoridad iti publiko, partikular dagiti agturturong ken mangipatpatungpal kadagiti aktibidad iti nalatak a Burnham Park iti panagtulnogda kadagiti maipatpatungpal a health protocols kontra iti COVID-19 iti lokalidad.

Iti panakiyuman ti Bombo Radyo Baguio News Team kadagiti sumagmamano a security guards iti nasao a parke, kinunada a napaliiwda ti arigna panagbalin a bulsek dagiti sumagmamano nga indibidual kadagiti nasao a protocols.

Dinakamatda nga inaldaw nga adda ti masitsitarda gapu iti saan dagitoy a panagsuot ti facemask ken face shield ken ti kaawan ti social distancing.

Kinunada nga idi laeng kalman ket adda ti nasitarda a grupo dagiti zumba dancers sadiay Burnham Park a saan a simmurot iti naituding nga oras ti panag-ehersisyo dagitoy.

Dinakamatda a rumbeng koma a malpas ti sesyon ti zuma iti alas-8 ti agsapa ngem saan a nasurot daytoy.

-- ADVERTISEMENT --

Innayonda a kanayon a maob-obsebaranda ti a panagtulnog ti grupo iti social distancing.