BAGUIO CITY – Agtalinaed a masurot dagiti baro a travel protocols a nailanad iti kaudian a pammilin ti mayor ti Baguio a mangipalpalubos ti COVID-19 Vaccination Card wenno Vaccination Certificate kas alternatibo iti negatibo nga RT-PCR test result kadagiti turista a kayatda ti sumrek ditoy siudad.

Inwaragawag daytoy ni Atty. Althea Alberto, Executive Assistant IV iti City Mayor’s Office kasaruno ti kinuna ni Health Secretary Francisco Duque III a maisubli ti testing requirement para kadagiti turista.

-- Advertisement --

Kinunana nga epektibo latta ti nasao a pammilin agingga nga adda ti maawatda a baro a resolusyon ti IATF.

Iti met panakiuman ti Bombo Radyo Baguio, imbinglay ni Atty. Alberto nga addan ti 149 a turista manipud idi Lunes, July 5 agingga idi kalman, July 7 a nagaramat iti COVID-19 Vaccination Card ken kaaduan kadagitoy ket nagtaud sadiay NCR, Tarlac ken Pangasinan.

Innayonna a nainget met a masuksukimat dagiti maiparang a COVID-19 Vaccination Card gaputa adda ti QR Code kadagitoy a ma-scan tapnu rumwar ti detalye iti panakabakuna ti maseknan a turista.

ni Atty. Althea Alberto, Executive Assistant IV iti Baguio City Mayor’s Office