photo | Kapangan MPS

BAGUIO CITY – Im-imbestigaran ita dagiti otoridad ti napasamak a pammaltog sadiay Sitio Nalbengan, Barangay Cuba, Kapangan, Benguet idi agsapa no sadio dua a mannalon ti pimmusay.

Nabigbig dagitoy a da Eliterio Sacla Licudan, 47-anyos, kenni Jerick Lidama, 25-anyos, naasawaan, tubo ti Bindoy, Negros Oriental ken agpada a residente ti Sagpat, Kibungan, Benguet.

-- Advertisement --

Iti panakiuman ti Bombo Radyo Baguio, kinuna ni PCpt. Jerry Pangosfian, dadaulo ti Kapangan MPS a nakaawatda ti impormasyon manipud iti maseknan nga umili seknan iti nangegda a kanalbuong ti paltog.

Dagus met a rinespondean dagiti otoridad ti insidente ken sadiay a nakumpirmar ken nadanonanda ti nakadasay a bangkay dagiti biktima.

Kinunana a nakalugan dagiti dua a biktima iti maysa nga elf truck nga addaan ti plate number a WMA-413 ken nakargaan ti ado a plastik ti sayote a maiturong koma iti La Trinidad, Benguet.

Imbinglay ni Pangosfian a manarimaan ti panangiproseso ti SOCO iti insidente ken manarimaan metlaeng ti imbestigasyon ti pulisya para iti pakabigbigan dagiti suspek ken ti motibo dagitoy.