BAGUIO CITY – Impa-recall ni Mayor Benjamin Magalong ti Executive Order (EO) 21, series of 2021 a nangipalubos iti saan a panakaiparang ti medical certificate wenno clearance iti iseserrek iti siudad ti Baguio dagiti residente ti La Trinidad, Itogon, Sablan, Tuba, and Tublay wenno LISTT area.

Maipalagip a nagpason ti katulagan iti nagbaetan dagiti mayor ti BLISTT area para iti nasao nga entry protocol requirement iti panagturong iti Baguio dagiti umili ti LISTT area.

Iti interview ti Bombo Radyo Baguio, kinuna ni City Administrator Engr. Bonifacio Dela Peña a daytoy ket gaputa kinuna ni Mayor Magalong a nasken a maitunos ti pagalagadan ti Baguio iti General Community Quarantine (GCQ) nga status ti siudad nga agpaut agingga inton tapos ken nasken a maingetan latta ti panaggaraw dagiti tattao.

-- Advertisement --

Kinunana a gapu iti daytoy ket mangipaulog to ni Mayor Magalong iti baro a pammilin no kaano a maipatungpal manen ti immuna a pagalagadan.

(ni Baguio City Administrator Engr. Bonifacio Dela Peña)

Innayonna a pinaka-ammuanda metten ti Baguio City Police Office seknan iti nasao a desisyon ti mayor.

Nupay kasta, dinakamat ni Engr. Dela Peña nga agbalin nga status quo iti border regulation policies no sadino, masurot latta ti EO 21 agingga nga awan ti baro a pammilin a mangipasardeng iti daytoy.

Naituding met a makipatang ni Mayor Magalong kadagiti mayor ti LISTT area para iti panakaituloy ti immuna nga entry protocol requirement.

Iti baet daytoy, iyap-apela latta ni Engr. Dela Peña ti nainget a panagannad ti publiko iti baet ti implementasyon ti EO 21 gapu iti agtaltalinaed a pangta ti COVID-19 pandemic.

(ni Baguio City Administrator Engr. Bonifacio Dela Peña)

Innayonna pay nga adda paylaeng ti Cordillera iti GCQ ken posible payen nga addan iti Baguio ken kadagiti munisipyo iti Benguet ti COVID-19 UK variant isut gapun a nasken a masurot latta dagiti health and safety protocols kontra iti COVID-19.