BAGUIO CITY – Inlatang ti Department of Agriculture (DA) ti P60-M para iti vegetable processing, packaging ken cold storage facilities iti probinsia ti Benguet kas nasapa a pamaskua.

Inwaragawag daytoy ni Agriculture Secretary William Dar kagiddan ti panangidaulona iti panakaipaima iti provincial government ti farm-to-market road a pinonduan ti DA sadiay munisipyo ti Atok.

-- Advertisement --

Kinunana a ti P40-M ket para iti vegetable processing facility bayat a ti P20-M ket para iti vegetable packaging nga addaan ti cold storage facility.

Dinakamatna a babaen iti sag-P20-M ket maibangon ti maysa vegetable processing facility sadiay Buguias ken maysa a packing house nga addaan ti cold storage plant para iti high-value crops iti deppaar ti Halsema Highway.