BAGUIO CITY – Nasarakan dagiti otoridad dagiti naabandona a marijuana bricks nga aggatad ti P2.178-M iti igid ti kalsada sadiay Ngilin, Poblacion, Tinglayan, Kalinga idi kalman.

Maibasar iti report ti Kalinga Police Provincial Office, nakakabil dagiti kontrabando iti dua a box a naabandona iti igid ti kalsada.

-- Advertisement --

Iti panagsukimat dagiti pulis iti dua a box, nakumpiskart ti 19 a pidaso ti marijuana bricks nga agdagsen ti dumanon 18.15 kilos.

Naiturong dagiti kontrabando iti istasyon ti pulisya bayat nga agtultuloy ti imbestigasyon dagiti pulis para iti panakabigbig dagiti nangibati iti kontrabando ken iti panakatiliw dagitoy.