BAGUIO CITY – Nangrugin ti panagawat ti Philippine Military Academy (PMA) iti online nga aplikasyon dagiti agtutubo a kayatda ti agbalin a kadete ti akademya para iti PMA Entrance Examination.

Kwalipikado nga agbalin a kadete ti PMA dagiti agtutubo a natural born Filipino citizen, physically fit ken addaan ti good moral character, awanan ti asawa ken anak, nakaturpos iti Senior High School ken saan a nabababa iti 85% ti Grade Point Average, awann ti kaso nga administratibo wenno kriminal, addaan ti katayag a 5 feet ken atleast 17-years old ken saan a sumurok iti 22-years old iti reporting date wenno inton April 1, 2022.

-- Advertisement --

Karaman kadagiti benepisyo ken pribilehiyo a maala ti makastrek a kadete ti gundaway nga agserbi iti pagilian ken kadagiti Pilipino, libre nga edukasyon iti kolehio, monthly pay ken allowances, progressive career kas opisyal ti Armada Pwersa ti Pilipinas ken dadduma pay.

Nailanad pay iti paka-ammo ti PMA a malaksid iti online application ket mabalin pay nga agaplikar dagiti kwalipikado nga agtutubo babaen iti mail wenno courier service ken walk-in.

Bisitaen laeng ti website wenno Facebook page ti PMA para iti kanayonan nga impormasyon wenno detalye.