-- ADVERTISEMENT --
file photo

BAGUIO CITY – Nadadael ti nasurok P3.678-M a gatad ti marijuana iti eradication operation nga impatungpal dagiti otoridad iti dua a plantasyon sadiay Sitio Tokayang, Brgy. Saclit, Sadanga, Mt. Province.

Immunan a nadiskobre ti 1,400 a fully grown marijuana plants nga aggatad iti P168,000 iti umuna nga plantation site nga addaan kalawa a 200 square meters .

Dumanon met iti 2,250 a pidaso ti fully grown marijuana plant nga aggatad iti P270,000 ti nadiskobre iti maikadua a plantasyon nga addaan metlaeng iti kalawa a 200 square meters.

Karaman pay a nadiskobre iti nasao a plantasyon ti uppat a marijuana brick nga agdagsen iti agarup lima nga kilo ken aggatad iti P600-K, dried marijuana stalks nga agdagsen iti 22 kilos ken aggatad met iti P2.640-M.

Kabayatan ti dokumentasyon dagiti nadiskobre nga iligal a droga, nakadiskobre pay dagiti otoridad iti bulk dried marijuana leaves ken stalks iti maysa nga kubo nga agdagsen iti 22,000 grams ken aggatad iti P2.640-M ken lima a bricks a naglaon ti napagango a bulong ti marijuana ken agdagsen iti 5,000 nga grams ken aggatad iti P600-k.

-- ADVERTISEMENT --

Nupay kasta awan met ti cultivators a natiliw iti nasao nga disso.