-- ADVERTISEMENT --
file photo. for illustration only.

BAGUIO CITY – Dinadael dagiti otoridad ti nasurok P1-M a gatad ti marijuana sadiay Kibungan, Benguet idi kalman.

Sigun kenni Police Colonel Lyndon Mencio, dadaulo ti Benguet Provincial Police Office, nadiskobre dagiti nasao nga iligal a mula iti dua a plantation sites nga aglawa ti nasurok 1,000 square meters sadiay Tacadang Proper.

Kinunana a 5,100 a fully-grown marijuana plants ti pinarut dagiti anti-drug operatives ti Kibungan Municipal Police Station, Benguet Provincial Drug Enforcement Unit ken Philippine Drug Enforcement Unit-Cordillera.

Nupay kasta, awan ti nakemmeg iti nasao nga operasyon.

Nauram metlaeng dagiti marijuana iti nakaparutan dagitoy.

-- ADVERTISEMENT --

Maipalagip nga iti Republic Act 9165 wenno iti Comprehensive Dangerous Act of 2002 ket maipawil ken iligal ti panagmula ken panagtaripato iti marijuana.